所以請大學生唔係照單全收，應該睇下佢張成績表。
情況就好似請 Form 7 會睇佢會考證書，
如果你見佢科科揸鎗揸兜，你唔會要佢掛，
未試過有人幫你同客講「I will try my breast」咩？

要明白大學唔會輕易踢人出校，的確有人讀大學好似去玩咁，
活動就玩齊，書又認真唔讀，倒頭黎冇野學到。
呢種情況中學都有，呢班朋友咪會考肥佬囉。
（唔好調轉我句說話：考試肥佬唔一定係賴蟲）

僱主唯有自己分辨一下。高考拎 D 已經唔錯，
大學學科拎 D 其實已經接近「學唔倒野」既水平。
其實只要讀下大學，諗下自己啲 ABC 點黎，
就應該知道我講緊乜野……

呢個時世都幾變態。一個學生花左十幾萬學費，
如果全部都係借番黎，就算一個月有一萬蚊，
唔食唔瞓唔拍拖唔畀家用，做足一年都仲未還得哂。