香港巴士論壇

ＦＧＯ，正名Fate/Grand Order，係一隻瘋魔全球既糞手機遊戲


兩年幾前日本伺服器開既時候我忍住唔玩，大陸伺服器，殘體字，冇可能玩！到台服，亦即係繁中服，終於入坑
老實講以遊戲玩法黎講實在唔吸引，只係不斷地配卡配技能，再加上５星從者（角色）抽中既機率只有少得可憐既１％，理應一早就摺埋收檔.......

錯了！總之任何東西只要加上ＦＡＴＥ既名號，都會聲名大噪，再戰幾十年！
ＦＧＯ如此糞既遊戲系統，仲有貴到冇譜既課金抽卡，依然可以令ＦＧＯ成為「最高營收」遊戲第一位（曾經 ）
我起台服第一日開服開始玩到而家，本身都係一個話明唔會課金既玩家，好好彩既係我一直都係一個「歐洲人"」，無課金下抽１％機率既５星都抽到６，７個，開局開得唔錯所以先有動力玩落去
結果呢個坑越滾越大，結果課金為抽卡，抽得１次唔中就第２次，好快就會抽晒你Ｄ石，然後就會好似中毒咁會有癮驅使你繼續課，繼續抽 （放心，我唔係病態亂課金既人）

---

好啦自己野唔講咁多啦，起呢個手遊入面，第一個因事前登錄而得到既角色就係今次既玉藻貓
以１／７既比例化身成為掌上貓貓

玉藻貓＆開膛手傑克

個盒好靚呀


ＦＡＴＥ系列既動畫／遊戲角色都係分開唔同職階，要講甚麼聖杯戰爭之類就有排講啦，有興趣就自己搵動畫黎睇返啦
今次玉藻貓其實係玉藻前九尾狐其中一尾既形態，職階為Berserker(狂戰士)，點解會由九尾狐變做貓就真係唔知了，但遊戲出寶具(大招)真心搞笑


好可愛

其實呢隻起上年４月開訂果陣已經訂左，預就預今年１月出，點知又再推遲到岩岩先到手
巴模等兩個月？真係濕濕碎了

真正既九尾狐，玉藻前正體（夏日祭）
大家都係１／７，點解爭咁遠既

玉藻前亦係我ＦＧＯ入面超鐘意既角色之一，好彩我Ｄ抽卡運一直不錯，只係夏日祭課過一次金就將佢地抽晒出黎

呢到咁多隻ＰＶＣ，大概可以起手遊入面課金５至６次左右啦，咁計就會覺得ＰＶＣ其實都唔係好貴架啦（繼續呃自己 ）

---

開膛手傑克，ＦＧＯ既角色設定完全同史實係兩回事黎，史實入面既開膛手傑克，係百幾年前倫敦既連續殺人犯，手法殘忍，而且至今都仲未搵到真兇
如此惡名昭彰既角色用小孩一樣既人物設定究竟係咩事呢？ＦＧＯ當然會自圓其說

受召喚為Assassin的她雖然自稱「開膛手傑克」，
但她也不知道自己是不是「真兇」。
雖然有著殺害多位女性的記憶，
但不清楚這是傑克的記憶，還是受害者的記憶。

身為Assassin(刺客)，拎小刀係常識吧(X)
咁細隻，用咁大個座，結果個座都係入返盒

第一次買「千值練」廠出既可動，買一次就夠了，如此細隻既比例，賣近＄５００，貴其實真係唔介意，質素方面先係重點問題
可能真係造得太細隻，關節好易甩，好易散，玩可動玩到甩頭甩髻真係勁冇癮，玩１／１２可動都係玩返ＦＩＧＭＡ穩陣Ｄ

開膛手傑克亦係我起ＦＧＯ入面另一個幾喜歡既角色，以手遊入面既設定黎講，佢有某方面既技能係屈機屈到出晒面的
至於動畫方面.......Fate/Apocrypha，差評

解體的時間到了

---

以下，如果我放相既手遊Ｄ群組／討論區到，一定會比人話我花式曬卡，亦會引起好多觀眾既不安（眼紅？ ）

花式曬卡開始
Berserker/玉藻貓

Lancer/玉藻前

Caster/玉藻前

Assassin/開膛手傑克

Saber/尼祿・克勞狄烏斯

Saber/阿爾托莉亞・潘德拉剛

瑪修・基利艾拉特

Ruler/貞德


手機內係錢，手機外都係錢，真係那有錢

ＴＨＸ　ＦＯＲ　ＲＥＡＤＩＮＧ ．

"「歐洲人」既定意：抽卡／抽角色／抽野手氣十分好，好快就做到住起歐洲既有錢人(稀有卡多=遊戲裡既財產/本錢多)
　引申出另一貶義「非洲人」，花費數百／數千都抽唔到任何好東西，現實跟遊戲一樣變窮人，而且會黑面(<--重點)
　再引申「非洲人」既悔氣話：「歐洲人」曬得多(曬卡)都會慢慢變黑，「歐洲人」表示：係咩？

本文章評分: +2

 

評分:

會員	時間	評分	評語
雞兔	2018年6月28日 10:29:43	+1	玉藻讚
白露時雨村雨夕立春雨	2018年7月1日 16:10:47	+1	巴模等兩個月？真係濕濕碎

抽卡果然係無得強求，歐洲人果然係歐洲人