| 香港巴士論壇 https://www.hkbf.org/ |
|
| [新聞]電話騙徒呃三婦77萬 https://www.hkbf.org/t677859.htm?style=2 |
第 1 頁 (共 2 頁) |
| 發表人: | 269D [ 2015年7月27日 16:45:30 ] |
| 文章主題 : | [新聞]電話騙徒呃三婦77萬 |
取自成報2015年7月26日 電話騙徒呃三婦77萬 報導 News Link : http://www.singpao.com/xw/gat/201507/t20150726_566472.html 電話詐騙猖獗，昨天又有三名女子中招，共被騙去約31萬元人民幣（約39萬港幣）和38萬港元。行騙手法大同小異，騙徒冒充內地公安人員或速遞公司職員，致電事主聲稱她們涉及內地的刑事案件，指示她們匯款到內地的銀行戶口以協助調查，事主照做後懷疑受騙報警。 一名居住在葵涌葵盛東?盛家樓的姓劉女子（54歲），前日收到一名自稱公安的男子來電，指她捲入一宗在內地發生的刑事案件，並指示事主撥打一個電話號碼，有人按指示先後四次匯款共19萬人民幣到指定戶口，其後懷疑自己受騙，昨向警方報案。 另外，昨早10時許，居於中環的25歲女子報稱遇到電話騙案，接到一名自稱速遞公司男職員來電，該男子聲稱事主寄出的一個郵包中懷疑有違禁品，要求她登入一個銀行網站，網站再要求她提供個人資料，然後事主根據該男子的指示將12萬人民幣匯到一個內地戶口，其後懷疑受騙，遂報警求助。 近排小弟都收到詐騙電話，號碼係中聯辦電話號碼+2831433 接聽後是一段電話錄音通知我有郵件未能寄出，與郵寄公司職員聯絡請按8字。 聽完之後即刻收線，因為近排日日新聞都有報大陸電話詐騙案。 近排我屋企人,鄰居都收到詐騙電話 接近日日都有人被詐騙電話所騙 似乎電話詐騙日益嚴重 |
|
| 發表人: | mingtsunn [ 2015年7月27日 17:17:22 ] |
| 文章主題 : | Re: [新聞]電話騙徒呃三婦77萬 |
頭先都收到個疑似申通快遞既電話，話有件貨未聯絡到收件人（電話錄音）,跟住我直接收左線 問過屋企人都話無叫過快遞/淘寶 |
|
| 發表人: | AVD1 [ 2015年7月27日 18:07:11 ] |
| 文章主題 : | Re: [新聞]電話騙徒呃三婦77萬 |
其實如果你真係覺得有問題， 同時又唔怕麻煩的話，可以打個 999 去舉報左佢 …… 不過老實講，電話騙案呢家野都唔係第一日， 我最小試過兩次，一次就話我老豆起大陸唔知做乜，一次就我老豆接電話話我比差人錢比人打緊 …… 講真，信都係戇居。無奈係呢個世界真係有咁多戇居 o既人 …… |
|
| 發表人: | 269D [ 2015年7月27日 19:11:16 ] |
| 文章主題 : | Re: [新聞]電話騙徒呃三婦77萬 |
其實依類電話詐騙經常發生 「我比人打緊」詐騙電話我老豆都收過，打電話果個扮我講:「老豆，救命呀!我比人打呀。」 老豆:「係咩?你比人打緊呀?」之後打電話果個即刻收線。 |
|
| 發表人: | 魔法先生 Super Bus [ 2015年7月27日 22:58:08 ] |
| 文章主題 : | Re: [新聞]電話騙徒呃三婦77萬 |
又要請亞寶出嚟講一句: 人類總係要犯相同嘅錯誤 |
|
| 發表人: | どれみ x HE423 [ 2015年7月28日 00:11:22 ] |
| 文章主題 : | Re: [新聞]電話騙徒呃三婦77萬 |
話說小弟放工回家,我媽問我係咪有SMS (個Icon有數字,可惜佢唔識開 ![[sosad]](https://www.hkbf.org/images/smilies/icon_sosad.gif "So Sad"){kind=icon} )我開嚟睇,係一個語音留言 (印象中係無號碼來電; 當時通知欄旁另有小熊來電Icon,表示此來電已被攔截) 開Voice Message時,就話"你好,我哋係順豐速運...bla bla bla...如要_ _請按0字" 心諗: 乜媽咪都識淘寶架咩...?! (家中只有小弟同大佬識淘寶+有淘寶Account  )至於公司就收過4次以上 (因為有3條Line) 小弟下晝接電話,對方就話係FedEx(電話錄音Tone),去到尾叫我按數字 一聽到要按掣就知道有問題,於是直接Cut佢線 ![[flowerface]](https://www.hkbf.org/images/smilies/flower.gif "丁香丹桂茉莉 都覺得可愛")
最近的警訊係有談及呢類假扮速遞來電既騙案 ( 25/7 RTHK Podcast ) 但都仲係有人中招 ![[banghead]](https://www.hkbf.org/images/smilies/icon_banghead.gif "我撞牆死左佢算啦！"){kind=icon} 只能話人一慌張起來就會完全失去理性... |
|
| 發表人: | 269D [ 2015年7月28日 00:30:13 ] |
| 文章主題 : | Re: [新聞]電話騙徒呃三婦77萬 |
最可悲的是媒體近日已廣泛報導有冒充內地公安人員或速遞公司職員進行電話詐騙，但不斷有人中招  中伏既人只能說是買左個教訓 |
|
| 發表人: | 31410.1404911 [ 2015年7月28日 09:04:33 ] |
| 文章主題 : | Re: [新聞]電話騙徒呃三婦77萬 |
你一部電話打999無用㗎 佢哋可能用電話卡 收咗線就搵唔到 上次屋企人收到呢啲電話最失敗就係失咗手收咗線 如果能夠一邊hold線 一邊報警 然後能夠喺警方安排下扮到過數/俾錢等等 成功捉到人嘅機會應該高好多 |
|
| 發表人: | 魔法先生 Super Bus [ 2015年7月28日 12:44:48 ] |
| 文章主題 : | Re: [新聞]電話騙徒呃三婦77萬 |
詐騙電話呢家野其實度度都有, 我美國呢度其中有一個, 就係有人冒充税局 (IRS) 啲人, 仲連來電顯示都係話 IRS 打嚟嘅, 話恭喜你因為你有交稅, 依家税局回饋番你, 或者話你依家爭税局款項, 並且已經通報警察嚟拘捕你, 如果唔想比人拉, 就將一筆款項匯入某個指定户口諸如此類, 但係更荒唐嘅都竟然真係有人信以為真結果咁就上左當, 其實稍為有少少常識嘅都應該知道, 稅局係唔會無啦啦打電話上門揾你, 更加唔會問你匯錢, 就算真係有税務問題稅局頂多都會用郵寄通知, 仲要係掛號果隻, 偏偏就係有一班人可以咁都上當結果就有咁多呢啲詐騙電話無日無之囉! |
|
| 發表人: | AVD1 [ 2015年7月28日 17:38:57 ] |
| 文章主題 : | Re: [新聞]電話騙徒呃三婦77萬 |
其實有幾多人真係會通知差佬丫， 根本個個人都怕麻煩收線算數。 但我覺得香港最小有一半人都試過收到呢種電話 …… |
|
| 發表人: | 269D [ 2015年7月29日 01:31:34 ] |
| 文章主題 : | Re: [新聞]電話騙徒呃三婦77萬 |
Youtube 有一條電話騙案的錄音，騙徙是冒充速遞公司職員進行電話詐騙。 對話內容香土有。 |
|
| 發表人: | GL2196@85K [ 2015年7月30日 19:20:38 ] |
| 文章主題 : | Re: [新聞]電話騙徒呃三婦77萬 |
其實都唔明點解D人係都要做埋D咁'陰質'既野，呃人D錢唔通會令成個人生好運D咩? XD |
|
| 發表人: | LL3850@85B [ 2015年7月30日 20:58:47 ] |
| 文章主題 : | Re: [新聞]電話騙徒呃三婦77萬 |
其實好同情佢地…但係電話騙案呢啲野講左好多年，呢排仲係熱話，點解啲人唔可以''醒小小"…… |
|
| 發表人: | 269D [ 2015年7月30日 21:57:16 ] |
| 文章主題 : | Re: [新聞]電話騙徒呃三婦77萬 |
今日再次收到詐騙電話，但今次唔係冒充內地公安人員或速遞公司，而是冒充屋村辦事處職員。 今日大約4點半收到一個來自天耀邨屋村辦事處電話，對方係講流利廣東話的男人。 對話如下: 我:「喂?」 騙徙:「我係天耀邨屋村辦事處打電話黎，你今個月仲未交租，請你係8月2號之前繳交。」 我:「下，我唔係住天耀邨。」 騙徙:「但資料話你係天耀邨耀盛樓12樓02室既租戶。」 我:「我都唔係住天耀邨，同埋你點知我電話。」 之後騙徙收線 我奇怪的是為何天耀邨屋村辦事處會知道我的電話號碼 其後我親自打電話去天耀邨屋村辦事處 證實無此事 |
|
| 發表人: | どれみ x HE423 [ 2015年7月30日 22:39:57 ] |
| 文章主題 : | Re: [新聞]電話騙徒呃三婦77萬 |
始終而家新聞都賣到街知巷聞 而家D人都對呢類電話有所警惕 你一轉機構名的話,又可能會有無知婦孺中招 至於點解佢會知你電話號碼,我諗應該係隨機打個No.出去 如果接既係不知就裡既市民,可能會因為咁而失去錢財
有D市民一接呢類詐騙電話既時候 會因為騙徙的說話而感到驚慌, 而無思考過事件的真實性 騙徙一旦捉住事主的心理狀況後,就會用不同方法誘使事主交出財物... 呢條橋唔Work既話,咪用另一條橋去呃錢囉 總會有班無知婦孺中招
|
|
| 第 1 頁 (共 2 頁) | 所有顯示的時間為 UTC + 8 小時 |
| Powered by phpBB® Forum Software © phpBB Group https://www.phpbb.com/ |
|