香港巴士論壇
https://www.hkbf.org/

~中巴黃竹坑車廠~
https://www.hkbf.org/t677884.htm?style=2
1 頁 (共 1 頁)

發表人:  ~ 馬 鞍 山 礦 工 ~ [ 2015年7月28日 01:57:32 ]
文章主題 :  ~中巴黃竹坑車廠~

我諗大家應該都仲記得,上個月我有一篇叫做末代中巴.兩大車廠既無聊呃post文 [sosad]
呃一次post對於我呢個灌水怪黎講緊係唔足夠,所以而家再呃多一篇,反正板主都一定會對我手下留情 [sosad] (當然係講笑)


先黎再睇睇黃竹坑車廠而家既樣先啦~!
圖檔

嗯!相信大家都望過下啦
跟住就再帶大家睇下我既黃竹坑車廠啦 :smile:
圖檔
圖檔
又有斜路,又有洗車機,好明顯呢間野係黃廠同埋柴廠既混血兒 :lol:
再睇下側邊個巴士站啦,行人天橋其實真係麻麻地
圖檔
圖檔

好喇,相大家就睇完啦,有咩感想呢?歡迎發表.....



可能你地心入面都講晒粗口:
A君:你間垃圾廠睇左十年有多啦,有冇新意架
B兄:果然係一篇呃POST文,水己浸,已投訴
C生:有冇再整得假D,劣評都廢事俾呀........

嗱,預左你地想整死我架,如果你睇到呢到都忍到個拳頭唔硬既話,恭喜你,為左獎勵你冇禁到上一頁,咁你繼續睇落去啦 [sosad]

首先係有一道閘
圖檔
開閘(著燈係後期電腦效果)
圖檔
LV166,出廠
圖檔
係咪覺得有D咩野唔同左咁呢?

好喇唔賣瓜子喇 [sosad]




~中巴黃竹坑車廠~ 第2代
圖檔
今次最主要係要整個車廠既大樓,當日既「末代中巴.兩大車廠」一文就係為佢做準備
圖檔
香葉道的街角上
圖檔
圖檔
本廠既新成員,因為整呢間野,所以都冇第一時間分享
圖檔
另一位新成員,冇機會起到出現既白水箱
圖檔
錢箱車,當年都真係唔少車會擺起呢個行人路上面(原來仲有行家一齊影架錢箱車喎 :lol:
圖檔
雞車出廠
圖檔
圖檔
圖檔

我都知,今次個主角係間廠,係咁影車冇意思的,所以廠相我都有影架
圖檔
圖檔
行人通道出入口
圖檔
冇車阻,可以清清楚楚望晒成間廠了 #good#
圖檔

舊廠已拆及棄置,取而代之當然係新廠啦,由此亦可見我間廠係幾咁爆 [sosad]
圖檔

最後....燈燈燈鄧 #good#
圖檔

已知既問題有:
牆身「中華汽車有限公司 CHINA MOTOR BUS CO.LTD」冇整到,相信我冇咁既技術可以整到出黎
街名,路牌...我又算了,原因同上
大樓高度,為左就返個本身都唔夠高既櫃,主樓高度都係矮左D
最大問題,依然色錯 [sosad] 不過冇計,佢隻藍色我真係搵唔到最近似既出黎...
當然,仍然係唔合比例的 [sosad]

今次最大問題同整得最耐係所有半開既窗,幾乎佔左成座大樓1/3既時間都係起到畫窗,CUT窗,裝窗
而且開多過一隻果D窗,每一隻都失敗過一兩次先CUT到個好少少既

另一個難題係,可能你地都睇到有條「分界線」啦,姐係果條隙,冇錯,主樓同車廠係分開兩部份製作
再將大家擺埋一齊,難就難在要兩邊奶白色部份係可以接得埋,好彩出黎效果都唔係爭太遠 #good#

以上

超劣作,請洗眼
 OR READING:smile:

發表人:  LingnanChickenRice [ 2015年7月28日 19:49:50 ]
文章主題 :  Re: ~中巴黃竹坑車廠~

小弟決定
回文讚好!
(又有人插死小弟「偏愛中巴」...
不過,事實係愛又好,恨又好
一早就消化好情緒反應先交代...所以先好似「攤凍」0左0者...)
不過,另一個原因係:樓主真係「玩真」0既保存0左車廠0既外觀之餘
又可以當成巴士模型櫃、情景模型...一物三用!

抵俾一篇回文0既內容讚好...

PS 小弟都想要一間「Q版」中巴柴廠模型
陪小弟批寶寶、雞車、大都城...等等(下刪幾十句...)

發表人:  巴士狂徒 [ 2015年7月28日 23:42:37 ]
文章主題 :  Re: ~中巴黃竹坑車廠~

正喎 #good#
你拎咗份圖則嚟整?

發表人:  ~ 馬 鞍 山 礦 工 ~ [ 2015年7月29日 00:12:28 ]
文章主題 :  Re: ~中巴黃竹坑車廠~

巴士狂徒 on 2015年7月28日 23:42:37:正喎 #good#
你拎咗份圖則嚟整?

我未有專業到咁 [sosad]
所以我講成座野依然係不合比例的, 純粹只係參考真果座d窗同車廠外牆位置相距, 再互相就返個平均間隔, 出到黎感覺會順眼就算
(我都唔知自己講乜添 [sosad] )

另外對上好多年前既唐樓, 對上果間舊廠都係用模型油手油, 今次係第一次試用噴罐整情景, 估唔到平滑既外牆係咁好睇
因為自己一直都覺得建築物外牆太平滑會好假, 睇黎我既觀念一直都錯左咁多年 #adore#

至於點解要拆走間舊廠呢, 唔係唔想益人, 只係新廠都有D 資源係來自舊廠, 所以唔拆唔得, 拆完淨返果D, 唔掉左佢擺起到都已經冇用了... #adore#

LingnanChickenRice on 2015年7月28日 19:49:50:小弟決定
回文讚好!
(又有人插死小弟「偏愛中巴」...
不過,事實係愛又好,恨又好
一早就消化好情緒反應先交代...所以先好似「攤凍」0左0者...)
不過,另一個原因係:樓主真係「玩真」0既保存0左車廠0既外觀之餘
又可以當成巴士模型櫃、情景模型...一物三用!

抵俾一篇回文0既內容讚好...

PS 小弟都想要一間「Q版」中巴柴廠模型
陪小弟批寶寶、雞車、大都城...等等(下刪幾十句...)


多謝讚好 #love#
其實自己鐘意d乜又唔駛理人點睇既, 中巴「冇」左咁多年, 熱情冷卻都係好正常既事

本身構思整新廠原因都係為左可以增加擺車量, 因為就算我而家只儲中巴同舊車都好, 我堆車都多到要擺盒
而家整完新廠, 擺盒果兩三架都終於放得返出黎, 仲要新廠有位淨, 之後再出都冇所謂啦 #good# #good#

發表人:  93A_S3~* [ 2015年7月29日 18:09:41 ]
文章主題 :  Re: ~中巴黃竹坑車廠~

好正,礦工兄果然寶刀未老 #good#

請教一下係用咩物料可以承咁重?用咩界可以連圓角位都咁靚咁順呢?謝謝!

發表人:  ~ 馬 鞍 山 礦 工 ~ [ 2015年7月29日 18:45:27 ]
文章主題 :  Re: ~中巴黃竹坑車廠~

93A_S3~* on 2015年7月29日 18:09:41:好正,礦工兄果然寶刀未老 #good#

請教一下係用咩物料可以承咁重?用咩界可以連圓角位都咁靚咁順呢?謝謝!

擺車位置用亞加力厚膠板, 今次盡量以一層一塊過, 唔似舊廠咁一層分兩塊, 但試擺車果陣仍然發覺膠板會向下彎曲
所以細心d 睇既話你會見間廠除左左右有「腳」支撐外, 前後一樣都有, 亦因為咁所以唔夠腳用, 只好拆舊廠d 腳出黎補返 [sosad]
而前面隻腳就收左起車廠外牆中間條支撐柱後, 油埋灰色就更加唔顯眼 #good#

所以我咁多張相都冇影到背面, 因為後面其實真係好核突的, 不過反正都冇人睇到就冇所謂啦 :lol:

圓位呢, 本身劃線果陣係出盡「法寶」, 又用過電芯又用過放大鏡等等先畫得到咁圓, 至於界出黎, 其實只係普通界刀
不過就要保持住刀口鋒利, 頓少少都會撕開張紙.......

冇錯, 今次又係用厚卡紙整架 [sosad]
根據十幾年前整落既唐樓經驗, 座唐樓用紙整都經歷左十幾年寒暑, 潮濕天氣, 但依然冇任何霉爛變軟先兆
所以呢種容易塑造既物料到而家都用緊!

1 頁 (共 1 頁) 所有顯示的時間為 UTC + 8 小時
Powered by phpBB® Forum Software © phpBB Group
https://www.phpbb.com/