香港巴士論壇 https://www.hkbf.org/ |
|
巴士鬼故 https://www.hkbf.org/t375053-60.htm?style=2 |
第 5 頁 (共 6 頁) |
發表人: | ~花帶桔~ [ 2010年8月21日 22:01:04 ] |
文章主題 : | Re: 巴士鬼故 |
講漏左兩個..... 多年前,中記47由中環開出既尾車,去到摩星嶺壞車( 當時車上冇任何乘客 ),當時冇手提電話 如果壞車,就要等廠收錢箱既時候睇下有邊架車未番,再派大偈沿線搜尋,肯定有排等,呢位 師兄無無聊聊周圍望,從右鏡睇到街邊有間雲吞麵檔,個師兄就覺得好奇怪,晚晚做尾車都唔 見有雲吞麵檔…個師兄肚餓起離就去左間「雲吞麵檔」食左碗雲吞麵,佢覺得呢檔雲吞麵好正, 第二日番到站頭就「大肆宣揚」大讚呢檔雲吞麵正,但冇一個師兄見過呢檔雲吞麵檔,當晚佢 如常做尾車,今次佢金睛火眼望住右邊,但都冇出現過嗰間「雲吞麵檔」。 又係好多年前,5B係堅城開既尾二車,每晚都有一個「女人」係殮房門口遞手上車,但呢個「女人」 每次都只會入兩毫子,並且會坐係梯位後面,冇人見過佢落車。有位年輕車長連續三晚揸尾二車,連 續三晚又係有呢個「女人」上車,又係入兩毫子,呢位年輕車長第三晚終於忍唔住,大叫:「八婆,晚 晚都入兩亳子,我忍夠你啦,你好入番夠錢啦下,如果唔係我報警呀!」呢個「女人」就回應「電車都 係收一毫子,我比兩毫子比多左你啦!」,最後,呢位車長病足一個星期 ( 自此之後,冇人再見個呢個「女人」) |
發表人: | HT 8142 [ 2010年8月21日 22:11:42 ] |
文章主題 : | Re: 巴士鬼故 |
突然唸到有本書提到 70 年代炮台山道一單恐怖車禍 記得好似有架中巴上斜 , 司機唔知車死左人一路揸上炮台山道頂先知出事 之後好似當時 D 巴士司機夜晚會見一個無五官嘅人上車 sosad |
發表人: | Joe [ 2010年8月21日 22:20:28 ] |
文章主題 : | Re: 巴士鬼故 |
呢單好似係話部巴士前面有部私家車 部私家車撞到一個呀婆但不顧而去 巴士跟尾 車長視線可能受阻 咁岩睇唔到 於是就將呀婆捲左入車底 拖行左幾十米 當然巴士鬼故唔止咁少 印象中有: 超速既紙巴士 屯公(定青公?)鬼巴士 尾班車空無一人但竟然滿座的上層 等等 有興趣既我先繼續講埋佢~ |
發表人: | 情侶檔 [ 2010年8月21日 22:33:49 ] |
文章主題 : | Re: 巴士鬼故 |
願聞其詳 |
發表人: | Joe [ 2010年8月21日 22:49:44 ] |
文章主題 : | Re: 巴士鬼故 |
咁我就講住個超速既紙巴士先(其實唔係影快相影到佢..) 呢個係睇書睇番黎(無記錯既話) 個故事係發生係一位突然死亡既車長同佢同事身上 呢位車長好熱愛巴士 所以佢死左之後同事就夾分燒左部紙巴士俾佢 話說同事同埋死者都係做一條南區線既 個時車少,半粒鐘度先得一班 所以見到迎頭既巴士/前後車機會都好低 話說燒部巴士俾個同事時 已經有怪事發生 正常燒紙就無咩特別 但個次佢地燒部紙巴士時 突然有一陣寒風吹過 火光變成綠色 一下就燒哂部紙巴士 係個位死左既車長頭七個一日 其中一位同事就做尾班車出返市區 係山路行行下 無端端有部巴士高速係右邊爬頭 (佢地已經開到合法下最快,仲有巴士爬佢,仲唔係超速?!) 車長同埋同車既一位乘客(站長黎)就好好奇 因為佢地係最後一班車出返去 唔會再有車入去 點解有多部巴士呢? 無幾遠(直路)有個巴士站 有人截車 車長就停車上客(個位真係人,都係巴士公司職員) 佢一上到車就話 岩岩明明見到"XX"開住部車經過,截佢都唔理我既 我諗大家都明 唔停站果部就係部紙巴士.. |
發表人: | S3BL417 [ 2010年8月21日 23:41:39 ] |
文章主題 : | Re: 巴士鬼故 |
無記錯係咪70反車果單野 ... =] |
發表人: | Joe [ 2010年8月22日 01:18:49 ] |
文章主題 : | Re: 巴士鬼故 |
呢個係屯公既 睇個時無遁記錯係6_X線(不過唔係60X/68X) 話說個晚有個新師兄開呢條線入屯門尾車 而呢班尾車係大家都講既不載客班次(<-當然現實無,所以下面係故事黎啦) 因為呢班車每個站都要停車開門 點知有個站有班青少年係到 佢地無理到車長截停佢地,俾完錢佢地就上哂上層 車長見阻唔到就唯有拿拿聲開快少少,希望無野發生 班青少年上到上層係一個人都無 佢地自然當開PARTY 當上到屯公之後 車長唔為意望左一望潛望鏡 點知見到上層全車滿座 呢個時候 上面玩緊既青少年突然發覺車窗外突然有一個女人望住佢地.. |
發表人: | 031096 [ 2010年8月22日 12:05:34 ] |
文章主題 : | Re: 巴士鬼故 |
域多利道M47 |
發表人: | 電子油針:) [ 2010年8月22日 12:24:45 ] |
文章主題 : | Re: 巴士鬼故 |
猛 鬼 巴 士 個 本 書 個 故 事 =___= |
發表人: | JG249 [ 2010年8月22日 12:51:27 ] |
文章主題 : | Re: 巴士鬼故 |
仲有套電影叫《鬼巴士》 .. refer : http://www.56.com/u50/v_NDU5NjU4NzE.html 係頭先搵《猛鬼巴士》果時搵到的 .. |
發表人: | 電子油針:) [ 2010年8月22日 13:18:54 ] |
文章主題 : | Re: 巴士鬼故 |
@@! 今 個 晏 晝 有 嘢 睇 多 謝 分 享 XD |
發表人: | 魔法先生 Super Bus [ 2010年8月22日 13:26:15 ] |
文章主題 : | Re: 巴士鬼故 |
我反而好有興趣想知到底個中記司機食左果碗所謂「雲吞麵」到底係乜料... |
發表人: | S3BL417 [ 2010年8月22日 16:56:46 ] |
文章主題 : | Re: 巴士鬼故 |
套戲都成四十年啦,係咪? sosad |
發表人: | leungfan [ 2010年8月22日 17:13:42 ] |
文章主題 : | Re: 巴士鬼故 |
講開唔覺...睇完先發現今日7月13... @@" 今晚都係早d訓覺好d.. [臨到仲睇呢篇文...都咪話唔寒@@"] |
發表人: | 六嚿腹肌拯救隊 [ 2010年8月22日 17:18:39 ] |
文章主題 : | Re: 巴士鬼故 |
冇碌落下層,上層又有乘客 反而想知你點搵勻成個上層 |
第 5 頁 (共 6 頁) | 所有顯示的時間為 UTC + 8 小時 |
Powered by phpBB® Forum Software © phpBB Group https://www.phpbb.com/ |