香港巴士論壇

喺 2018 年仲有全新既 city 推出，帶我地由沙田經大埔道出九龍，真係好難得
81 呢條線我個人都幾鍾意既，睇住果陣大圍一帶既路段不停咁改，去到最後仲起咗個專比 81 u-turn 既大圍街市出面個路口
又記得以前放學衝落巴士站等 81 落新城市（係，宜家睇翻其實咁樣搭落去真係好貴 ）
又記得有時假日搭經過水塘，喺巴士上層睇住路邊啲馬騮跳嚟跳去

當然到最後一定要多謝 GF 咁努力一步一步咁整，由當初睇住佢由渡華路開始，慢慢比佐敦高鐵工程啲路口搞咗好耐（無錯，宜家個路口又改咗啦 ）
然後慢慢到大埔道既拉斜，去到臨推出前畫地圖，真係非常佩服佢既心機
感覺就好似由一磚一瓦，慢慢去到一座高樓大廈落成咁

最後，真係唔知 MM2 仲會喺度幾耐
起碼，暫時佢仲喺呢個 forum 佔咗幾個版面
或者，係 online 帶嚟果種互動，見到對頭車 say hi，渣快啲到總站後抖幾分鐘（係，我永遠冇得抖既 ）
以至係渣完幾個鐘車後，大家以前會做既 parking 活動，影吓相，或者只係傾吓計，講緊私人事，或者係吹吓學業、工作上既野咁，都 spend 咗個好開心既深夜
呢啲，我相信暫時冇咩其他 game 代替到，因為我地追求既，唔只係渣車既真實感，而係同一班識咗幾年既 fd 相聚既感覺

mm2 嚟講，我只係一個會喺 online 度慢慢渣既普通玩家一個，但係要回憶既話，相信再多幾百字都非筆墨能夠形容
如果你地睇到嚟呢度，都好多謝大家，感謝既唔係睇我篇文，而係或許你地都會 share 類似既回憶，8 個人 full 晒場咁入 game 既情況恍惚仍然喺腦海中盪漾
真係最後啦 ，都好感恩喺 mm2 界識到各位，特別係部份宜家仲會私底下約，一齊得閒渣翻一兩轉既朋友
我期待每次既入 game，期待既並唔再係會唔會 8 個人 full 晒，而係見翻大家架車，猶如有種熟悉感似的

（唔好意思浪費咗少少論壇既空間去討論自己既感受 ）