香港巴士論壇

近日張德江訪港，作為共產黨領導人之一，梁振英呢個人當然要做足功夫係無可厚非，始終北京係佢大老闆。

問題在於張德江來到香港，特區政府保安真係前無古人咁嚴，究竟係張德江驚香港人，還是梁振英驚左自己人而周圍派差佬阻止市民去接觸國家領導人？

回顧一下自習李上台之後，習近平第一站就係南下廣東。當年習近平南巡 o既態度就係表現親民，甚至只不過係有幾架警車護送，比起之前 o既國家主席相對下已經係親民得多。當年習近平南巡確實為共產黨帶來新氣氛。雖然我個人觀感都認為共產黨係信唔過，但做下門面功夫交下戲。某程度上都可以叫拉回些小面子甚至係民望，呢樣野最小共產黨會肯做。

但係今次梁振英集團處理張德江訪港時，明顯與習近平南巡時係站在對立面上。望下灣仔搞成咩樣已經心照。差佬仲要走去圍住獅子山就係因為怕左條 banner。記者入機場時連黃色毛巾都要沒收。簡單黎講，梁振英根本就係帶頭搞緊白色恐怖。

事實上，假如差佬冇封山 o既情況下，相信根本冇人無啦啦會諗返起去獅子山掛 banner，甚至走到去北大嶼山公路、畢架山掛。換句話講梁營即係冇個樣整個樣，呢點又可以見到梁振英 o既無能。其次，灣仔大搞封鎖區。明顯地係擾民。你共產黨咁驚香港人不如唔好出訪。不過我相信共產黨連六四都可以拎架坦克出黎又何需要怕你香港人。就算睇返當年李克強訪港都冇今次咁誇張。明顯地又係梁振英自以為是，封左條路以為反對派支持者，甚至本土派或者港獨 o既可以避免興張德江接觸。老實講，雖然話阿爺起北京比左個香港你梁振英管，但係呢個世界已經唔係幾百年前要飛鴿傳書 o既年代。何況北京咁多支針又真係唔知香港人搞緊乜？梁振英而家想玩鴕鳥政策已經係冇可能。近排有傳政圈某人士嘗試阻止張德江與泛民會面。究竟呢個人係邊個其實大家已經心照。講黎講去，點解梁振英咁怕張德江見到香港政府 o既負面消息？說穿了未就係佢想連任。

向來共產黨都會好支持香港特首。就算當年董建華落之前一樣。到曾蔭權年代中共一樣力挺佢。但係到梁振英，近年佢上京之時會面已經開始降格。雖然話共產黨開始想思想解放香港，目的係怕港獨勢力蔓延。但其實提倡本土甚至港獨都係近年先開始復興。連香港親共勢力入面都開始帶頭反梁振英，明眼人一睇就知梁振英已經玩完。假如中共仲要死保梁振英，未來五年香港會唔會成為反共基地呢點我相信中共政府都係計算當中。既然死保梁振英都唔會帶來幾多著數之下，倒不如盡快立棄梁或者先係新出路。某程度上今次張德江來港，更證明梁振英連任野心，但佢心知自己連任機會渺茫於是就盡博一次，連委員長想要 o既「看、聽、講」期望都阻止埋。共產黨個功力始終都係高於梁振英好多。梁振英要同自己個大佬玩，真的不自量力。我個人就認為梁振英理應就係咁先，只不過係有冇人敢行出黎同佢爭個行政長官呢個位而已，始終梁振英最愛就是黑材料。

上文為小弟個人意見。

_________________
想要其他人比尊重你，請先問自己有冇尊重過人。

另外有樣嘢,
好多人將矛頭指向張德江, 問侯佢呀,
我覺得應該係成件事安排嗰個(堆)人先係應該鬧嗰個
講真你覺得張德江好想全世界封路, 好似押送通緝犯咁再比全香港問侯?
習近平都無咁大陣仗啦
至於又封路又水馬又搵幾萬警察周圍企係邊個要求?
不外乎香港政府 (梁振英) 啦
背後原因呢度唔探討啦
不過係唔係應該認清楚邊個搞咁大壇嘢出嚟?
(當然啦, 好多人會話佢唔嚟就唔洗煩, 咁但係係唔係佢負上最大責任?
等於撞車, 唔通你話汽車生產商唔整車就唔會撞啦, 所以生產商要負最大責任?)

_________________

Thx GJFT

今日有傳張德江招呼曾俊華，梁振英應該心都涼埋。不過呢單料邊個放風放出黎真係耐人尋味。
仲有一樣野就係，別忘記而家中南海係四分五裂，陣間轉個頭張德江呢個江派人物無啦啦落馬，梁振英真係 ……

_________________
想要其他人比尊重你，請先問自己有冇尊重過人。

見到張德江一落機講咩「同香港人共同對抗沙士」，
嘩聽到心都寒埋，卽係沙士眞係香港人致意傷，
而且沙士都係張德江瞞眞相以致傳入香港。
究竟係情報部門無做野定眞係張德江想試香港人底線呢。

_________________

按上圖進入道路硏究社 Facebook 專頁

Wusha on 2016年5月24日 11:36:50:見到張德江一落機講咩「同香港人共同對抗沙士」，
嘩聽到心都寒埋，卽係沙士眞係香港人致意傷，
而且沙士都係張德江瞞眞相以致傳入香港。
究竟係情報部門無做野定眞係張德江想試香港人底線呢。

共產黨個思維向來都係：
1）自己唔會有錯，永遠都係人地錯。
2）共產黨係輸出恩情，其他人需要知恩圖報。就算共產黨與其他人文化上有差異，其他人都必須要包容。
3）冇左共產黨，其他人都會好唔掂。

_________________
想要其他人比尊重你，請先問自己有冇尊重過人。