但係呢個 HMO 初音入手o既背後, 亦有一段令本人不快o既事情發生...
時間返回三年前o既 2008 年, 當時正追緊 School Days o既日版 DVD,
知道日本方面 School Days 做應募, 只要集齊 DVD 附有o既印花寄返去,
就可以得到應募品一份, 由於自己做唔到o既關係,
唯有向其他人招手求助, 由於o係某論壇一位版主,
佢本身亦有賣日本動漫物品同幫人o係日本 Yahoo 拍賣必心頭好,
而且o係該論壇亦有買賣專區比人同幫人訂講日本動漫物品,
而我亦同佢買過多次野亦冇問題覺得佢可靠,
查問過佢可以幫我做應募, 交代好細節之後就比錢佢幫我攪掂,
結果問題就此出現...
等左好耐, 都唔見有料到, 於是打電話向佢查詢,
先至知包括我o既應募品在內o既一批貨比海關扣住左,
當時係應募品正式分發之後o既一個多月,
初時佢話可以攞到, 但係再等都未有最新消息,
由於本人另外亦向佢訂講左一D涼宮 Figure, 佢亦幫我 Hold 住,
等應募品一到就一齊寄, 但係已經等左兩年多,
最後一怒之下, 向佢取消哂所有訂單, 叫佢唔洗再幫我 Hold,
但係應募D錢依然o係佢手, 到最近 HMO 初音推出,
於是就向佢換呢個初音返o黎, 不過呢次亦會係本人同佢做o既最後一次買賣,
因為叫佢同我攪應募已經令我失望, 亦因此而拖拉左達三年時間,
唯有以呢個 HMO 初音向佢作個了斷
撇開呢個不快經歴, 尋日 HMO 初音到埗,
因為有另一架巴士模型同日到埗, 而且先開盒,
今日自然要打開呢個初音o黎玩, 不過呢個 HMO 初音,
比以往o既 GSC 黏土人更多配件, 而且加上全身可動,
真係有排玩, 唯有係咁意影幾張~
附有鏡音雙子專用o既表情貼紙
依家慢慢玩~~
