嗯,標題唔好用腦諗啦,我都唔知改咩標題好了,總之就係藍色LF啦
不經不覺BUSES既LF已經買到第5架,今次既藍色反光車牌版本終於都出了,仲要一口氣出4款,豪華色同普通色各選一架就好了
下下都車海式咁出車,真係好容易衰衝動一模幾線買晒返黎,面對住車房放極車都極速爆廠,真係要忍忍自己既購買慾
先黎普通色既LF187,叫個伯伯行23上花園道,中巴派車真係夠晒殘忍
落車門條扶手有冇整錯?中巴好鐘意將呢條扶手反轉裝的
再黎豪華色,真係得隻色係豪華咋,入面一模一樣,究竟點解要整一堆豪華色出黎?中巴真係咁天真以為呃到人嗎?(其實應該話有人會留意嗎?)
如果擺起而家,應該會犯商品說明條例吧
43X配豪華色,經典!
頭尾閘上面個冚其實係乜黎既呢?維修用?熱狗將D窗柱油黑晒其實幾好睇
今次藍LF既車頭似乎有改左模,的確比之前紅色/試驗色順眼左,如果車頭個倒三角可以再整深D就好睇好多了
BUSES 珍寶五色戰隊全員出動(大聲)
今次既第2批LF同之前第1批既分別,梯位司機位後既窗,今次就變左做長窗,之前用細窗果批LF,坐呢排位應該幾辛苦
仲有側指揮燈,擺高左可以比多D車見到,但而家既新車都擺返晒落下面了
大吉利是車頭相,上下層頭窗係咪都有改深左?定係我錯覺
期待最後一批SF車尾款既LF吧!快D見街唔該
THX FOR READING .