好耐冇買過AUTOART既車,因為一直等緊佢!PAGANI Huayra...正呀喂!
由第一次出實物相開始,一直等等等,一年多後既今日終於都推出,雖然索價近$2500,不過聽老細講,今日已經賣左幾架
呢架相信係AUTOART 入面既最高級別,因為真係造得好靚,有返幾年前既水準!
唔講咁多,睇相好過
一樣都係有証書.0056.証書跟埋車底號碼.唔怕掉包
標準相.車身顏色係珍珠白,比起純白更加好看
極度吸引目光既歐翼車門.唯一可惜既係左車門並不能定起開啟位置,明明右邊果隻好實淨的
車身可開啟既部份.原本既外殼都幾乎可以打開晒
車廂精細既裝潢
值得留意係座位後既兩個喇叭
頭尾冚內.有別於以往,今次頭尾冚係用螺絲上死左,要將螺絲鬆開先可以打開頭尾冚
引擎起呢幅相入面比較難見到.但後面既避震系統.模型造出一系列可活動既槓桿式搖臂.值得一讚
尾冚內亦有兩個小行李箱.可放置隨車包埋既行李
當然此車最大特色係頭尾共4塊既擾流器.真車可以隨行車速度,轉向等黎調節唔同擾流器既高度
最後係特寫同合照部分
一架真係愛不惜手既模型,以上既相片又影左我成晚,實在唔敢對佢太「粗暴」呢!
*AUTOART 公佈既RX7,唔知會唔會出頭文字D既版本呢?又係一架值得期望既模型呢!
THX FOR READING .